
Ka Alala
By Maluhia
This podcast is completely in olelo Hawaii(Hawaiian language). It is for both learners and fluent speakers of the language. Sometimes I have guests and sometimes it’s just me. At any rate, there is something for everyone here. Ke ola nei ka olelo Hawaii!

Ka AlalaFeb 03, 2025
00:00
28:52

PAANI MINECRAFT
O keia o Ihi, ka'u keiki kane mua loa. 6 ona makahiki. Nui kona hoihoi i ka paani Minecraft i keia manawa. A paani mau oia i kela ma ka Ninetendo Switch. E hoolohe mai i kana hahai moolelo ana e pili ana i na ano mea like ole o kela paani.
Feb 03, 202528:52

DR. Keao NeSmith & HAWAIIAN LANGUAGE
This week's episode is mostly in English because I want people to understand. There have been very concerning issues surrounding the language. Keep an open mind while you listen and take everything to heart.
Jun 03, 202438:05

KA LAAU KAHEA
He aha ka laau kahea? Pehea e kau ai i ka laau? He aha na lula o keia laau? E hoolohe mai a loaa na haina. Eia kahi, ia maua e noho walaau ana, e ihi ana maua i ka olena. E lohe ana oukou i ke kani o ka maua ihi ana.
Sep 04, 202333:50

KA HUA OLELO “ALOHA”
E hoolohe mai ia Dr. Keao Nesmith no ka hua olelo “aloha.” Akamai oia i ka walaau Hawaii ame kekahi mau olelo Polonekia. Eia kona ike, kona naauao me kona mau manao no na kumuhana o keia pule.
Jun 28, 202342:46

PAANI ME HAUKI
No ka olelo Tahitian mai ka hua olelo “hauki”. Puanaia “hauti” e kela lahui kanaka. O ka huaolo “paani” ka huaolelo like ma ka olelo Hawaii. No ke aha ka i lawe ia ai kela huaolelo tahiti? Aole kupono ka huaolelo “paani?” Eia kahi, aole like ka manao ana o ka poe Hawaii no ia mea he “sport.” Aole hookahi wale no hua olelo. He mau hua olelo no na hana hooikaika like ole. E hoolohe mai!
Jun 15, 202325:30

MAI HOOHAUMIA I KA OLELO
Olelo wau no ka huaolelo “weather,” ka poe influencer e hoohaumia nei i ka olelo Hawaii a me ka kakou mau mea e hana ai i pau keia ano hoolaha naaupo a ka poe influencer e hana nei i keia manawa.
May 25, 202324:27

HOOMANAWANUI
Nui ino ka poe e hooio nei mamua o ka lehulehu me ko lakou hunahuna ike. Aka, aole lakou i hoomanawanui i ke ao ana ma ke ano he haumana. Loaa ka ike hou i keia la, a hoolaha wale aku i ka la apopo.
Apr 06, 202322:18

HE HALE OLELO HAWAII
Ma loko o keia lola e kamailio ia ai na mea e pono ai ke ola o ka olelo Hawaii ma ka hale, oia hoi iloko o ka ohana. O na huaoleo kahiko ame na huaolelo hou kekahi manao i kamailio pu ia kekahi.
Feb 17, 202331:43

KA INOA HAWAII
Noi mau ia mai au e kapa inoa Hawaii no kekahi mau makua. Loaa ka’u IG i keia ano mau makua, a noi mai ia’u i inoa no ke keiki e loaa mai ana. Kanalua au e kokua aku. Aole kamaaina. He aha la ka’u e hana ai? Koe aku ia.
Feb 08, 202319:49

KA OLELO KANAKA
Ua hui aku la au me ko’u hoa aloha (Keoki Faria) e kamailio ai no ka olelo waha, ka olelo kakau, ka olelo kula a me ka olelo makuahine. He akamai no hoi o Keoki i keia olelo kanaka. E ao mai mai ia ia mai.
Jan 20, 202355:01

KA MAKAHIKI HOU
Pehea mai nei oukou i keia makahiki hou? I keia mua iho au e noho pu ai me kekahi kumu a’u. E hui koke ana oukou me ia ma ka leo. He akamai oia ala i ka olelo kanaka. E hoolohe maikai ia ia!
Jan 10, 202321:39

KA HOOPONOPONO
Malama oukou i ka hooponopono? Ano e ka hui ana me ka ohana ke hihia a pilikia. Mai huna i keia mau mea ino. E hooponopono i ka hihia me ka pilikia.
Dec 09, 202225:45

HAWAII I KE AU KAHIKO
E imi kakou i ka ike me ka naauao. Mai kalele a hilinai wale ia hai.
Nov 21, 202223:35

HE MAU MOOLELO NO KO’U OLA
Maopopo ia oe ka hualelo no ka cigarette, cigarette pack, match, me ka match box? Loaa keia mau hua olelo ma keia lola.
Nov 10, 202222:21

AUHEA OE E KO’U HOA WALAAU
Hana nui ka hoopili ana i ka poe olelo Hawaii, ina no oe he malihini no lakou. E hoopili aku no! Mai kali o pau na niho. Kakaikahi paha ka poe olelo Hawaii i keia manawa, aka ke nui ae nei no.
Oct 25, 202221:48

KA WAI A ME KA WAI-HOOLUU
Lohe aku la au i keia mau hua olelo i like ma ka manao. He like, aka he okoa no. O ka wai ka huaolelo no ka mea maoli. O ke kai oe, o ka lepo oe, o ka niu oe, o ka ulu kekahi. O ka waihooluu ka mea e hoopuka ia no ka wai hooluu ia. Ina aole hooluuia ka wai, he wai wale no ia.
Sep 26, 202224:18

KA MEA AI NUI A KA HAWAII
O ke kalo/poi ka ai nui o ka wa kahiko. A ai pu ia ka inai me ia. Okoa keia wa. Ua lilo ka poi i ano inai a ua lilo ka inai oia ka mea ai nui. E hoonui kakou i ka ai ana i ka poi. E kakoo kakou i ka poe mahi kalo!
Sep 16, 202220:52

KA WA WALAAU
Pehea kakou e hoopololei ai i ka mea hemahema ma ka walaau ana? He mau mano ko’u no keia ninau.
Sep 08, 202225:04

AI PONO
He mea nui na mea a kakou e ai ai. O ka hua ai oe, o ka lau ai oe, o ka io oe a pela aku. O ka mea ai e waiho loihi ana ma na hale kuai, aole kela he mau mea ai kupono. E ai kakou me ka noonoo a me ka naauao.
Aug 04, 202221:47

KA HOOULU LAHUI
Mai poina kakou i ke kuauhau. He mea keia i ka Hawaii. Na kakou, na makua mea keiki e ao aku i na keiki no ke kuauhau o ka ohana. E minamina kakou i na lahui a pau o kakou.
Jul 09, 202222:19

KA OLELO KUPUNA
Ina kakou mahalo i ka poe kupuna o kakou, e malama a hoomau i ko lakou olelo. E malama i na hua olelo kahiko, ka leo kupuna, a o ka noonoo o lakou kekahi.
Jul 01, 202220:54

KA HUAKAI I KAUAI
Ua hoi maila makou mai Kauai mai. Maikai no hoi ka noho ana malaila. Hai ia kekahi mau moolelo no ko ko’u ohana noho ana ma Kauai. Hookahi pule ka loihi.
Jun 22, 202223:02

E AO IA KE KEIKI I KA PONO A ME KA HEWA
Pehea e ao ia ai ke keiki i ka pono a me ka hewa? Pehea ka hoopai ma ka olelo, ka pai, ka hili, ka huki pepeiao a pela aku? Na ka makua a makua hanai paha e ao aku. Na ka lehulehu kekahi. Pela au i ao ia mai ai.
Jun 07, 202222:31

KA HOPOHOPO
Ke ulu ka hopohopo iloko o ka naau, he aha ka mea e hana ai? Hopohopo kakou a pau i kekahi manawa. Owau, ko’u ohana a me ko’u mau hoa aloha, kamaaina no i ka hopohopo. Aka, pehea kakou e holo mua ai me ka hopohopo? Oia ka mea e imi ai.
May 23, 202222:54

KA HANA INO
Ua hana ino ia oe? Ooe paha ka mea nana i hana ino ia hai? Hookae ia ka hana ino e ka poe pono ma ka naau, aka aole hiki ke hoopau loa i keia hana. Noonoo au ma ke ano he makua mea keiki. Ke hana ino ia ka’u mau keiki, oia ka wa e aoao aku ai no ka hana ino me na hana e koho ai. Hiki ke ae i ka hana ino ia mai a i ole hiki ke lanakila maluna o ka mea hana ino. Pehea ko oukou mau manao?
May 07, 202223:39

KA HOOMANA KALIKIANO ME KA HOOMANA KAHIKO
Hookae a hoowahawaha ka poe naaupo i na kupuna i huli i ka hoomana kalikiano. Hoahewaia hoi ka poe mikanele i lawe mai i ka euanelio i Hawaii nei, aka ua hooholo na kupuna, na alii e haalele i ka hoomana kahiko a e holo imua ma o keia hoomana hou, oia hoi ke kalikiano.
Apr 30, 202225:34

KA IMI ANA I KA HAUOLI
Imi mau ia ka hauoli e kanaka, aole paha kakou noonoo, aka pololei no hoi. O keia ka mea nui maluna o na a pau. O ke kala oe, o ka hanohano oe, o ka hooheno oe, o ke kaulana. Ke loaa ka hauoli, e malamaia i ka wa pau ole.
Apr 26, 202225:03

NO KE KAUMAHA
Pehea kakou e lanakila ai maluna o ke kaumaha? E luuluu ana kakou i ke kaumaha i kekahi manawa. Aole hiki ke alo ae. O ka kakou hana i ka wa e komo mai ai ke kaumaha ka mea nui. Mai ae i ke kaumaha e hoopuni a hooluuluu ia oe.
Apr 17, 202223:19

NO KA MOLOA
Ua komo anei oukou i ka moloa? Eia aku eia mai, komo kakou i ka moloa. I ko’u manao, he ano ia o kanaka. Hoowahawaha a hookae ia ka moloa. Pehea kakou e lanakila ai maluna o keia nawaliwali o kanaka?
Apr 09, 202220:24

KE KUAI ANA I HALE
Pii mau ke kumu kuai hale, aole lawa mau ka uku makahiki o ka poe kamaaina. Pehea la hoi e kuai ai i hale ma Hawaii nei? Mai haawi pio. E imi aku no i ala e ko ai keia makemake.
Apr 01, 202221:07

KA PALE IHU MA HAWAII NEI
Oia mau no ka paa o keia mea he pale ihu ma ka waha o ka poe e noho nei ma Hawaii nei. 2 makahiki ke kau ana o na kanawai kuikawa no ka mai ahulau Covid-19. Pehea la kakou i keia manawa?
Mar 19, 202213:36

#19 KAMUELA GESTRICH
He kupa no Kaimuki keia kanaka a’u e hoolauna nei ia oukou. He mahi ai, he kumu ao, he kanaka makee olelo keia.
Nov 01, 202101:05:52

#18 KALAOKANANIKIEKIE OKAMURA
O Maeaea kona aina hanau. Malaila oia i ai ai i ka limu wawaeiole, o na kai o kona aina. Puka oia ma ke kula kiekie o Punahou. Hoonaauao ia oia i ke kula olelo Hawaii o Kawaihuelani.
Oct 25, 202159:05

#17 KAPELA WONG
Eia no o Kapela, ko’u hoa kamailio o keia pule. Ola ka olelo Hawaii ma kona hale ma waena ona me kana kane a me ka laua mau keiki 2. Hai moolelo oia no ka lanakila ana ma luna o ka mai aai.
Oct 18, 202101:06:49

#16 NA HUA OLELO HAOLE
Eia ka mea nui, hiki ke kamailio, kuka a hoopaapaa ma ka olelo Hawaii. Hiki ke hoopuka i na hua olelo haole i ka wa e kamailio ana i ka olelo Hawaii. Peia na lahui a pau e hana nei. He mea ole keia i ka poe olelo hanau. Oia ka poe no lakou ka olelo ma ke ano he olelo mua. Pela ma ka olelo haole, ka olelo kepani, ka olelo kelemania a pela aku.
Oct 11, 202116:57

#15 KAWAILEHUA HAMBERG
No Kauai mai o Kawailehua. He haumana puka no Kawaikini me Manoa. He kumu ao olelo Hawaii oia no Kawaikini. Puni oia i ke kinipopo wawae. Ua komo pu au me ia i kekahi mau papa olelo Hawaii i ke kula o Manoa. E hoolohe mai ia ia
Oct 04, 202101:00:48

#14 MIKI COOK
He kupa o Miki no Hana, Maui. Malaila oia i ao ia ai i ka hana paniolo, ke alualu puaa, ka lawaia a pela aku. I kona wa kanaka makua, komo oia i ka oihana puali koa. Ma hope aku, komo oia i ke kula nui i loaa ka naauao ia ia. Oia kona wa i ao ai i ka olelo, ke kalai laau a me ka ike o loko o na papa ike Hawaii. He mau lima akamai, mikioi hoi kana i ke kalai laau. Oia kana puni. Nui hoi kona ike ma keia mau oihana a ka Hawaii.
Sep 27, 202157:55

#13 LAIANA WONG
He kumu ao o Laiana no ke kula nui o Manoa. Noho oia i ke alo o na kupuna i kona wa e ao mua ana i ka olelo Hawaii. Ha makua oia i kona wa e ao ana. He kalai olelo hoi oia. Olelo oia no ka hoomaopopo ana okoa ka olelo Hawaii a oko ka olelo haole. Aole ma ka olelo wale no, aka ma ka noonoo.
Sep 20, 202101:06:18

#12 KALEO + KAWAILANA
No Kailua nei no keia kane me kana wahine. Na laua keia o “Kauluakalana”. He hui keia nana e hoopili hou i ka Hawai i kona aina. Nana hoi e hoohui i ka Hawaii ma ka aina e hoonui i kona ike me kona aloha i kona aina me na ike Hawaii o ka wa kahiko. E lauan mai me laua ma ka pepeiao.
Sep 13, 202152:53

#11 BEAU MAKANA SHISHIDO
O keia o Beau Makana Makamae Shishido. He kupa oia nei no Papakolea. He haumana puka kula no Kamehameha a me Manoa. He kumu olelo Hawaii oia ma ke kula o Kawaikini i keia manawa. He makee hoi o Beau i ka olelo o ka aina. E hoolohe mai i kona mau moolelo.
Sep 06, 202101:16:28

#10 TUTI KANAHELE
O keia ka lua o ko’u hui ana me Tuti no keia podcast. Olelo oia no ka hanai ana i kana mau kaikamahine ma ka olelo Hawaii, no kana ao hou ana i ka olelo Hawaii, no Na Hulu Kupuna a nui hou aku na mea ana e moolelo mai ana ma keia lola.
Aug 30, 202101:17:32

#9 MAKANA GARMA
Okoa loa keia lola o keia pule! He keiki Niihau o Makana Garma. A kolekole no maua ma kona olelo makuahine, o ka olelo Niihau. He honehone, he nahenahe hoi kona leo. Nanea ko maua hui ana. E hoolohe mai i ka olelo Niihau a Makana i hanai ia ai ma Pakala, Kauai.
Aug 23, 202101:16:04

#8 KEAO NESMITH
Nui ko’u olioli e hoolauna ia oukou, e ko’u poe hoolohe, ia Keao Nesmith. Liilii wale no ka poe akamai i ka olelo Hawaii e like me oia nei. Ua noho maoli oia i ke alo kupuna. Oia ke kumu o ka like o kona walaau ana me ka na kupuna i hala. E nanea mai ana no ko oukou pepeiao.
Aug 16, 202101:08:10

#7 LIV HIILEIALOHA KIMOKEO TAYLOR
No ka moolelo ola keia o Hiilei, keia kupa no Kahaluu. He puukani, he hookani pila, he makee olelo Hawaii oia. Kamaaina paha oukou i ka ohana Kimokeo, he ohana hoomau mele Hawaii keia.
Aug 09, 202125:44

#6 PUA KAMA: HANAIAULU
No Waimanalo o Pua Kama. 5 ana keiki. He poo kumu oia no ke kula kamalii o Hanaiaulu. He kula aha o Hanaiaulu? He kula olelo Hawaii ia no na haumana o ke kula nui o Hawaii. E nanea kou pepeiao i ka hoolohe ana mai ia ia.
Aug 02, 202135:27

#5 EMILY STATES A ME KAULUMAIKA
Niele ia o Emily no kona ola, mai kona wa hanau a hiki i kana hookumu ana ia “Kaulumaika”, kana oihana kalepa. He ano kumu oia e nana ia ai ma ka hoolaha ana i na mea ulu no Hawaii nei. He mea hou ia e ike ia nei i ko ke ao nei.
Jul 27, 202144:52

#4 HE WAIWAI KO KA OLELO?
Mau no ka ohumu ana o ka poe hoomaloka i ka poe e hoomau nei i ka olelo. Mai hoolohe. Mai no nana ia lakou. Aole o kana mai ka waiwai o ka olelo Hawaii.
Jul 19, 202125:17

#3 NO KA OIHANA MAKAI
E imi kakou i ka oiaio o kekahi hihia kalaima. Peia pue hoi ma na ano hihia a pau loa o ke ola. Mai kuhi hewa. He mau moolelo oiaio keia. I mua kakou me ke aloha o ka naau me ka malamalama o ka noonoo.
Jul 13, 202124:33

#2 SPOKEN HAWAIIAN
Kamaaina no paha i keia puke, aole paha. Aole laha keia puke e like me kekahi, wia nae, maikai loa no. Ua nana paha oe i keia puke ma mua?
Jul 05, 202111:32

#1 NO KA HOOMAKA ANA E AO MAI I KA OLELO HAWAII
Ua pau keia mau moolelo i ka hai ia. He mau mea hou no paha. E huli ia “Ka Alala” ma Youtube i loaa pu ai ke kii onioni o keia lola. Ke aloha!
Jun 26, 202121:12